Creatividade en Plástico Reciclado


     IMOS facer hoxe unha pequena reportaxe sobre Benito Iglesias ( aproveitando que xa dominamos a estas alturas os alcumes da Arousa, identificarémolo como Benito da Chabola).

      Benito é un veciño do nóso Pobo que botou moitos anos traballando nas Canarias e xa hai algúns que voltou, vivindo na actualidade afincado en León, a terra da súa esposa Pili, cecais por iso algúns dos mais novos nono teñan aínda recoñecido.
      Por ser amigos dende a infancia, xa hai moitos anos que coñecía algunhas das habilidades manuais de Benito, como a de facer dorniñas de madeira, incursións na acuarela, no debuxo, e outras, mais hai uns poucos anos comezou a amosar unha nova actividade creativa coa que está colleitando un considerable éxito alén da Illa tamén.

       Para os que aínda non coñecen o seu traballo, debemos asegurar que un dos calificativos que espontáneamente lle veñen a un á cabeza, é o de "sorprendente" pola natureza da materia prima da que se vale para a súa execución, pois trátase nada menos que da utilización de bolsas de plástico desbotables, que escolle coas distintas cores que para cada traballo precisa, rematando eses murais cós que nos agasalla de cando en vez, e que reflexan na meirande parte das veces esceas da contorna e das paisaxes da nosa Illa, monumentos, construccións, actividade humán ou mesmo as costumes e tradicións do pobo Carcamán.
      Ó carón destas mesmas liñas amosamos tres deles, que aínda que son só unha mínima parte, cremos que axudan a un achegamento ó traballo do autor.

     Todo isto é para nós motivo de orgullo e por iso queremos aproveitar este medio para lle dar a xusta consideración que merece, por abrir ese escaparate ó exterior có que sin dúbida  dalle unha nova dimensión a iso que neste blog chamamos “Xenio Carcamán” có que precisamente tentamos describir todas esas actitudes que definen o nóso carácter Arousán.

     Para que poidades comprobar todo canto vimos de vos contar, e para que os que aínda non coñecían estes bonitos traballos poidan comezar a desfrutar deles, aí vos poñemos un vídeo cunha escolla dalgúns, no cal coidamos que presenta as cualidades descritas:


     Ben, pola nosa banda cremos que xa fixemos unha achega bastante concisa destes traballos de Benito, así que chegados a este punto coidamos que é bén interesante que él mesmo nos explique un pouco as súas inquedanzas e experiencias coas súas exposicións e traballos, así que lle imos facer unhas pouquiñas preguntas.

P: Quixeramos que nos contases a túa experiencia cós murais plásticos e a acollida que atopas na xente. R: "de momento o que mais se comenta sobre o meu traballo cos plasticos e que e moi orixinal ademais de outras moitas ventaxas que ofrece o material."
P: E cáles son esas ventaxas? R: "É barato, gran movilidade debido ó seu escaso peso (ben encartado, cabe perfectamente nunha bolsa da compra e o seu peso non chega nin ós dous kgs.). Ademais e lavable e incluso coas fontes de luz debidamente colocadas ofrece posibilidades de observación con efectos en 3D."
P: Agora cóntanos de que xeito naceu a idea desto: "R: pois naceu de facer teatro e o ver que os materiales se deterioraban pensei no plastico pola sua resistencia, facil manexo, e almacenaxe."
P: E qué posibilidades lle ves nun futuro próximo a esta técnica? R: "Pola miña parte moitas, xa que como pionero sei que aínda hay moito que investigar pero podemola usar en actividades ó aire libre, coma festas populares ou eventos publicos, desde concertos a acontecementos deportivos, poñendo en cada caso o mural có motivo mais axeitado."
P: Sí, iso vímolo no vídeo dos murales. Tés agora mesmo en proxecto algún novo mural? R: "Pois xusto agora non, pero estou pendiente da Diputacion de Leon, que amosou interes en coñecer este material e facer algunhas probas cos que xa teño feitos. Ademais teño un problema de espacio físico que teño que solucionar para poder seguir."

     En fin, que a pesares dos atrancos que van aparecendo no camiño, o nóso home continúa coa súa laboura, pois según él mesmo asevera son moitas as satisfaccións que recibe por mor dela, como non pode ser doutro xeito -engadimos nós- cando as cousas se fán coa pasión artística que él demostra.

     ANTES de rematar, crémos que éste é un punto moi acaído para falar un pouco doutra vertente creativa de Benito Iglesias que xa a temos mentado ó escomezo deste artigo, como son os seus debuxos -aínda que non é do que él precisamente mais presume- , e na que tamén amosa un xeito moi particular como se pode ver nesta pequena escolma que poñemos ó carón ilustrando estas líñas.


     Na miña opinión o mais sorprendente a súa habilidade para recrear neles un entorno que retrata axeitadamente a mensaxe que quere dar, sin usar para isto ningún texto que nos oriente na interpretación do grabado, e inducindo deste xeito a imaxinación ou incluso a fantasía de dito observador.

Uns debuxos que, como decimos, crémos que están cheos de creatividade e mensaxe.
     Por último, temos que dicir que, por sorte para o noso grupo de Pandulleiros, a Benito “témolo de man” para que nos axude na ilustración dos artigos que vaiamos publicando neste blog, algúns dos cales xa foron publicados, e outros xa os temos subido á rede en algún que outro medio, coma este sobre a importantísima excavación arqueolóxica do Monte do Castro, en Besomaño-Ribadumia có que aproveitamos para enlazar tamén coa vertente histórica dos nosos traballos que tamén seguiremos publicando por aquí:


      FINALMENTE, só nos queda decir que contamos con Benito para, nunha prósima oportunidade poder facer outro achegamento á súa actividade no que teñamos que engadir novos traballos e eventos... será ó cabo, unha actualización onde podamos recoller unha nova evolución deste creador e innovador Carcamán. Polo momento só nos resta desexarlle que os Deuses Carcamáns lle sexan o mais favorables posible, polo menos ata esa nova oportunidade.
... O noso agradecemento tamén ós que tuveron a santa pacencia de ler esta reportaxe ata eiquí, que é unha cousa de moito moito mérito. Un saúdo pandulleiro a todos.






2 comentarios:

  1. cada dia descubrimos mais cousas sobre a arousa ,sobre os carcamans,felicidades po-lo traballo que aqui amosades,oxala nesta singladura que escomenzades teñades vento mareiro, saude.

    ResponderEliminar
  2. Xa veño dicindo desde hai algún tempo que Benito é un artista de tomo y lomo". Tempo ao tempo . Unha aperta.

    ResponderEliminar

>>> Pódeste expresar libremente, só limitaremos o conteúdo ó obrigatório respecto que todos nos merecemos.